Tuesday, September 27, 2022
Homeಕ್ರೀಡೆಟೀಂ ಇಂಡಿಯಾದ ಯುವ ಆಟಗಾರರಿಗೆ ಬಿಗ್ ಶಾಕ್…!!!

ಟೀಂ ಇಂಡಿಯಾದ ಯುವ ಆಟಗಾರರಿಗೆ ಬಿಗ್ ಶಾಕ್…!!!

- Advertisement -
Renault

Renault

Renault

Renault






- Advertisement -

ಮುಂಬಯಿ: ಟೀಮ್ ಇಂಡಿಯಾ ಆಯ್ಕೆಯ ಮಾನದಂಡವನ್ನ ಬಿಸಿಸಿಐ, ಇತ್ತಿಚಿಗಷ್ಟೇ ಬದಲಿಸಿತ್ತು. ಹೌದು..! ಯೋ ಯೋ ಟೆಸ್ಟ್​ ಬದಲಿಗೆ ಟೈಮ್ ಟ್ರಯಲ್ ಫಿಟ್ನೆಸ್​​​ ಟೆಸ್ಟ್,​ ಪರಿಚಯಿಸಿತ್ತು. ಆದ್ರೀಗ ಟೈಮ್ ಟ್ರಯಲ್​​ನ ಮೊದಲ ಟೆಸ್ಟ್​​, ಇಂಗ್ಲೆಂಡ್ ವಿರುದ್ಧದ ಏಕದಿನ, ಟಿ20 ಸರಣಿ ಕನಸು ಕಾಣ್ತಿದ್ದವರಿಗೆ ಶಾಕ್ ನೀಡಿದೆ.

ಟೀಮ್ ಇಂಡಿಯಾ, ಇಂಗ್ಲೆಂಡ್​ ವಿರುದ್ಧದ ಟೆಸ್ಟ್​ ಸರಣಿಯತ್ತ ಗಮನ ಹರಿಸಿದ್ರೆ, ಅತ್ತ ಬಿಸಿಸಿಐ, ಟೆಸ್ಟ್​ ಸರಣಿ ಬಳಿಕ ನಡೆಯಲಿರುವ 5 ಪಂದ್ಯಗಳ ಟಿ 20, ಮೂರು ಪಂದ್ಯಗಳ ಏಕದಿನ ಸರಣಿಯತ್ತ ಕಾನ್ಸಂಟ್ರೇಟ್ ಮಾಡ್ತಿದೆ. ಹೀಗಾಗಿ ಮುಂಬರುವ ಚುಟುಕು ಸಮರದ ಕಲಿಗಳ ಆಯ್ಕೆಗೆ ಎನ್​ಸಿಎ, ಯುವ ಆಟಗಾರರನ್ನ ಮೊದಲ ಹಂತದ ಟೈಮ್​​ ಟ್ರಯಲ್ಸ್​​​ ಫಿಟ್ನೆಸ್ ಟೆಸ್ಟ್​ಗೆ ಒಳಪಡಿಸಿತ್ತು. ಆದರೆ ಮೊದಲ ಅಗ್ನಿಪರೀಕ್ಷೆಯಲ್ಲೇ, ಯುವ ಆಟಗಾರರು ಫೇಲ್ ಆಗಿದ್ದಾರೆ.

ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಆಟಗಾರರ ಗಾಯದ ಸಮಸ್ಯೆ ಬೆನ್ನಲ್ಲೇ ಎಚ್ಚೆತ್ತುಕೊಂಡಿದ್ದ ಬಿಸಿಸಿಐ, ಟೀಮ್ ಇಂಡಿಯಾ ಆಯ್ಕೆ ಮಾನದಂಡವಾಗಿದ್ದ ಯೋ-ಯೋ ಟೆಸ್ಟ್​​ ಬದಲಿಗೆ ಟೈಮ್ ಟ್ರಯಲ್ಸ್​ ಫಿಟ್ನೆಸ್ ಪರೀಕ್ಷೆ ಜಾರಿ ಮಾಡಿದೆ. ಈ ಫಿಟ್ನೆಸ್​​ ಟೆಸ್ಟ್​ನಲ್ಲಿ 2 ಕಿ.ಮೀ ದೂರವನ್ನ ನಿಗಧಿತ ಸಮಯಕ್ಕೆ ಕ್ರಮಿಸಬೇಕು. ವೇಗಿಗಳು 8 ನಿಮಿಷ 15 ಸೆಕೆಂಡ್​​ಗಳಲ್ಲಿ ಹಾಗೂ ಬ್ಯಾಟ್ಸ್​ಮನ್​​ಗಳು 8 ನಿಮಿಷ 30 ಸೆಕೆಂಡ್​ಗಳಲ್ಲಿ ಕ್ರಮಿಸಬೇಕಿದೆ. ಇದರಂತೆ ಈಗ ಇಂಗ್ಲೆಂಡ್ ವಿರುದ್ಧದ ಚುಟಕು ಕದನಕ್ಕೂ ಮುನ್ನ ಟೈಮ್ ಟ್ರಯಲ್ಸ್​ ಪರೀಕ್ಷೆಗೆ ಒಳಪಡಿಸಿದೆ.

ಟೈಮ್ ಟ್ರಯಲ್ಸ್​​ನಲ್ಲಿ​ ಯುವ ಆಟಗಾರರು ಫೇಲ್
ಇಂಗ್ಲೆಂಡ್ ವಿರುದ್ಧದ ಏಕದಿನ, ಟಿ-20 ಸರಣಿ ತಂಡದ ಆಯ್ಕೆಗೆ, ಎನ್​ಸಿಎ ಮುಖ್ಯಸ್ಥ ರಾಹುಲ್ ದ್ರಾವಿಡ್, ಹೆಡ್ ಫಿಸಿಯೋ ಮುಂದಾಳತ್ವದಲ್ಲಿ 2 ಕಿ.ಮೀ ಟೈಮ್ ಟ್ರಯಲ್ ಫಿಟ್ನೆಸ್​ ಟೆಸ್ಟ್​ ನಡೆಸಲಾಗಿತ್ತು. ಟೀಮ್ ಇಂಡಿಯಾದ ಯುವ ಆಟಗಾರ ಸಂಜು ಸ್ಯಾಮ್ಸನ್ ಸೇರಿದಂತೆ ವಿಕೆಟ್​ ಕೀಪರ್ ಬ್ಯಾಟ್ಸ್​ಮನ್​ ಇಶನ್ ಕಿಶಾನ್, ಆಲ್​ರೌಂಡರ್​​ ರಾಹುಲ್ ತಿವಾಟಿಯಾ, ನಿತೀಶ್ ರಾಣಾ, ಯುವ ವೇಗಿ ಸಿದ್ಧಾರ್ಥ್ ಕೌಲ್, ಜೈದೇವ್ ಉನಾದ್ಕಟ್​​ರನ್ನ ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಆದರೆ ಈ ಯುವ ಆಟಗಾರರು, ಟೈಮ್ ಟ್ರಯಲ್ಸ್​ ಫಿಟ್ನೆಸ್​​​​​ ಟೆಸ್ಟ್​ನಲ್ಲಿ ಫೇಲ್ ಆಗಿದ್ದಾರೆ. ಇದರಿಂದ ಇಂಗ್ಲೆಂಡ್ ವಿರುದ್ಧದ ಏಕದಿನ, ಟಿ20 ಸರಣಿಯ ಕನಸಿನಲ್ಲಿದ್ದ ಆಟಗಾರರ ಆಯ್ಕೆ, ಅನುಮಾನವಾಗಿದೆ.

- Advertisement -






LEAVE A REPLY

Please enter your comment!
Please enter your name here

- Advertisment -

Most Popular

Recent Comments