ಏರ್ ಇಂಡಿಯಾ ಸಂಸ್ಥೆಯ ಮಹಿಳಾ ಪೈಲಟ್ಗಳ ತಂಡ ಇತಿಹಾಸ ನಿರ್ಮಿಸಲು ಸಜ್ಜಾಗಿದೆ. ವಿಶ್ವದ ಅತೀ ಉದ್ದದ ವಾಯುಮಾರ್ಗದಲ್ಲಿ ಉತ್ತರ ಧ್ರುವದ ಮೇಲೆ ಹಾರಾಟ ನಡೆಸಲು ಈ ಟೀಂ ಮುಂದಾಗಿದೆ. ಸ್ಯಾನ್ಫ್ರಾನ್ಸಿಸ್ಕೋದಿಂದ ಬೆಂಗಳೂರಿಗೆ ಆಗಸದಲ್ಲಿ ಸುಮಾರು 16,000 ಕಿಲೋಮೀಟರ್ ದೂರ ಹಾರಾಟ ನಡೆಸಲು ಮಹಿಳಾ ಕ್ಯಾಪ್ಟನ್ಗೆ ಜವಾಬ್ದಾರಿ ವಹಿಸಲಾಗಿದೆ.ಸ್ಯಾನ್ ಫ್ರಾನ್ಸಿಸ್ಕೊನಿಂದ ಈ ಪಯಾಣ ಆರಂಭವಾಗಿದ್ದು, ನಾಳೆ ಈ ತಂಡ ಬೆಂಗಳೂರಿಗೆ ಆಗಮಿಸಲಿದೆ. ತಜ್ಞರ ಪ್ರಕಾರ, ಉತ್ತರ ಧ್ರುವದ ಮೇಲೆ ಹಾರಾಟ ನಡೆಸಲು ತಾಂತ್ರಿಕವಾಗಿ ಬಹಳ ಅನುಭವ ಹೊಂದಿರಬೇಕು. ಹೀಗಾಗಿ ಏರ್ಲೈನ್ ಕಂಪನಿಗಳು ತಮ್ಮ ಅತ್ಯಂತ ಅನುಭವಿ ಪೈಲಟ್ಗಳನ್ನ ಈ ಮಾರ್ಗದಲ್ಲಿ ಹಾರಾಟ ಮಾಡಲು ಕಳಿಸುತ್ತಾರೆ. ಆದ್ರೆ ಈಗ ಏರ್ ಇಂಡಿಯಾ ಮಹಿಳಾ ಪೈಲಟ್ಗಳಿಗೆ ಜವಾಬ್ದಾರಿ ವಹಿಸಿರುವುದು ವಿಶೇಷ.
2013ರಲ್ಲಿ ಬೋಯಿಂಗ್ 777 ವಿಮಾನವನ್ನು ಹಾರಾಟ ನಡೆಸಿದ ವಿಶ್ವದ ಅತ್ಯಂತ ಕಿರಿಯ ಮಹಿಳಾ ಪೈಲೆಟ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿರುವ ಜೋಯಾ ಅಗರವಾಲ್ಗೆ ಈ ತಂಡವನ್ನ ಮುನ್ನಡೆಸುತ್ತಿದ್ದಾರೆ.
ಈ ಕುರಿತು ಮಾತನಾಡಿರುವ ಜೋಯಾ ಅಗರವಾಲ್, ಬಹಳಷ್ಟು ಜನ ಉತ್ತರ ಧ್ರುವವನ್ನು ನೋಡಿಯೇ ಇರುವುದಿಲ್ಲ. ಆದರೆ ಏರ್ ಇಂಡಿಯಾದ ಬೋಯಿಂಗ್ 777 ವಿಮಾನವನ್ನು ಮುನ್ನಡೆಸಲಿರುವುದು ಹೆಮ್ಮೆಯ ಸಂಗತಿ. ಇದು ನನಗೆ ದೊರೆತಿರುವ ಸುವರ್ಣಾವಕಾಶ ಎಂದಿದ್ದಾರೆ.